Lingua programming (lingua programasaun) ne'ebé ita sei estuda mak lingua programasaun ne'ebé limita ba C++ de'it, tanba lingua ne'e popular duni iha mundu programasaun. Programas desktop ba Windows, Linux, MAC OS, smartphone no seluk tan usa programa ida ne'e hodi develop games sira, no programa seluk tan ne'ebé fo benefísiu ba ita nia nesesidade. Ne'ebé usa hanesan ezame ba AP nian komesa husi 1998, molok tama iha ne'e sira usa Pascal. C++ ho Pascal nudar nivel a'as ba lingua programasaun nian. Dala ruma ita boot sira rona mos hanesan Java, C no FORTRAN.
Nia konklusaun map, hanaran "high-level language," iha mos low-level language, dala ruma refere ba lingua makina ou lingua assembly. Habadak dada lia naruk iha ne'e, komputador bele executa de'it programas hirak ne'ebé hakerek ho program lingua low level. Hanesan mos, programas ne'ebé hakerek ho lingua high level tenke traduze molok bele hala'o. Tradusaun ne'e lori tempu, ida ne'e mak disadvantage husi lingua high level.
Maibé, nia vantajen barak liu:
Primeiru: Fasil ba programa iha lingua high-level. Husu "fasil" katak gasta tempu oituan de'it hodi hakerek, badak no fasil atu le'e, no bainhira ita hakerek nia statement ruma ne'ebé sala, sistema automátiku sei prefere atu usa alternativu liafuan ne'ebé kompatível atu usa.
Segundu: Lingua high-level portable liu. Katak nia bele hala'o iha operasaun sistema komputadores diferente ho modifika nia kódigu oituan de'it ou dala ruma ita la modifika nia kódigu. Lingua low-level bele de'it la'o iha partikular operasaun sistema komputador, no ita presiza hakerek fila fali hodi ita bele usa iha operasaun sistema seluk.
Ho vantajen hirak ne'e, kuaze programas hotu-hotu hakerek iha lingua high-level. Lingua low-level uza de'it ba aplikasaun espesiál.
Iha dalan rua atu tradus programa sira, mak: interpretar ou kompilar (interpreting or compiling). Interpretar hanesan programa ida atu le'e high-level program no halo tuir saida mak orienta ba, tradus linha por linha, alternativa seluk mak hasai nia komandus.
Kompiler nudar programa ida ne'ebé atu le'e program high-level no tradus dalan ida de'it, molok atu eksekuta komandus sira. Dala barak ita kompil programa ho pasu ketak-ketak, depois mak ita eksekuta kódigu. Iha kasu ne'e, programa high-level bolu nia kódigu source, no tradus fali programa ne'e ita bolu kódigu objetu (object code) ou executable.
Por ezemplu, ita bele hakerek C++ uza text editor hanesan Notepad atu hakerek programa sira ne'e, tanba text editor hanesan text editor ne'ebé simples. Bainhira finaliza programa, bainhira hotu ita save, ou rai file nia naran no ekstensaun/sufixu .cpp, ne'ebé "program" ita bele tau kualker naran, hanesan "test" depois nia sufixu mak ".cpp" rua ne'e tau hamutuk sai hanesan "test.cpp" ne'e ema programador hatene katak file ne'e iha kódigu source C++ nian.
Depois depende iha environmental saida mak ita gosta atu usa hodi hakerek, kódigu C++ nian no kompile. Ne'e depende ba programador ida-idak nian, tanba nudar ema nia gostu la hanesan. Hau prefere liu atu usa Notepad.exe iha Windows ou TextWrangler iha MAC atu hakerek kódigu C++ no compile ho DMC, gcc no seluk tan. Ferramenta barak mak usa hodi kompile C++.
Compiler sei le'e kódigu source, tradus no kria file foun hanaran program.o atu kontein kódigu objetu (object code) ou program.exe atu ita bele eksekuta mak hanaran "executable file".