GRADUAÇÃO NO DESEMPREGO

Tinan-tinan, Universidade no instituição iha TL gradua estudante rihun ba rihun. Baibain iha discurso ema boot sira sempre dehan "IMI mak futuru ba nação. Ohin IMI Remata Estudu iha né, aban IMI sei serbisu no kontribui ba nação TL". Liafuan mesak furak no kmanek. Inan-aman sira rona kontenti no haksolok. No Haksolok liu tan bainhira Hare nia oan uza toga no iha nia naran iha titlu/gelar akademia licenciatura. Ida né sentimento inan-aman nebe naturalmente mosu iha inan-aman nia fuan.

Maibe Perguntas mak ida né, depois de Gradua Itá serviço iha nebe no oinsa? Hau fiar katak %75-%80 hosi Itá nebe gradua sei hetan lakunas no fatuk kroat bainhira buka serbisu. Iha Momentu ida hanesan né, Itá sente katak, saída mak Itá estuda no saída mak ema boot sira koalia né lá vale. Vale deit ba Itá nia Maluk sira nebe família "ema boot" Ka iha ligação ho ema boot. Ba Itá povu kiik nia oan ho nível licenciatura ema sei Hare Itá ho matan sorin. Ida né baseia na hau nia speriencia. Satan Itá nebe remata eskola iha universidade no instituto iha Timor. Ema sei Raí ketak Itá nia CV bainhira Applay iha fatin ruma. Depois de Hare uluk nia família ema sei Hare CV hosi sira nebe remata eskola iha nação liur. No iha momento ida hanesan né Itá sei sente mós ema halo diferencia mai Itá. Hare Itá hanesan klase nbe ketak hosi sira.

Satan Itá nia kapasidade língua português lá duun diak. Mesmo Itá iha conhecimento nebe diak iha ciência maibe lahatene língua português ida nebe hatene língua portuguesa mas laiha conhecimento nia sei diak Liu Itá. Timor nia falha ida mak sukat ema nia conhecimento iha nia área baseia ba língua. Tanba né mesmo Itá licenciatura, mestrado Ka doutoramento lá vale iha ema nebe hatene língua portuguesa. Ida né erro boot ida nebe esisti iha TL.

Realidade TL mak ida né. Itá sei hasoru realidade Hirak né depois gradua. Tanba né diak Liu cria rásik kampus serviço, contra desemprego