OPTT koileta hare hektar ha'at, Introduz mini brigada konsentrada

Baukau, 22 Dezembru 2022 Organizasaun Popular Trabaillador Timor (OPTT), realiza atividade mini brigada konsentrada no koileta hare hektar ha'at (4) iha suku Seixal postu administrativu Baukau Volamunisipíu Baukau, ho intensaun atu motiva sosiedade sira hotu, atu bele dezenvolve setor agrikultura iha rai laran, hodi bele sustenta nesesidade povu nian. Iha nebe daudaun nee governu atribui hela salariu dollar atus rua ba uma kain sira iha TL nee, orienta povu sai baruk ten atu halo toos no natar inklui hakiak animal.

Prezidente OPTT Ivo de Jesus Sequeira informa, atividade koperativa no minibrigada konsentrada ne'e, ho hanoin ida, atu intensiva setor agrikultura ho di'ak liu tan, nune'e bele garante sustentabilidade ekonomia, hodi bele liberta povu husi ki'ak no atan.

Realidade hatudu katak, natar no to'os barak mak hetan abandonadu iha teritoriu Timor Laran.Maske povu Timor Leste 80% maka moris ho vida agrikultura.

Nune'e nia alerta maka'as ba estadu, governu, veteranus, Igreza inklui timoroan hotu, atu lao tuir modelu koperativa ne'e, atu bele diversifika no intensifika produsaun lokal.