TOMAK HAMUTUK HO TO'OS NAIN UAIMORI IDENTIFIKA PROBLEMA AGRIKULTURA INKLUI SEI ESTABELE GRUPU RAI NO IMPRESTA OSAN (SISU)

SISU- Agensi TOMAK (to'os ba moris di'ak) hamutuk ho Komunidade Suku Uaimori inklui autoridade lokal halo analiza problema hirak ne'e durante ne'e to'os nain sira infrenta nune'e bele halo intervensaun hodi la bele implika ba resultadu agrikultor sira nia hanesan parte Ida hodi hasae kresimentu ekonomiku iha Timor-leste inklui sei estabelese grupu rai no impresta osan iha tempu besik.

Relasiona ho atividade agensi TOMAK nian iha suku Uaimori nune'e Komunidade sira hodi identifika ba kauza hirak ne'ebe durante fo impaktu makas ba Vida agrikula hanesan peste ne'ebe estraga inklui bee ne'ebe la fornese di'ak.

Ho nune'e Espesialista agrikultura TOMAK Jose Barros afirma katak Sira sei halo intervensaun ba kauza hirak ne'ebe durante ne'e hamate Komunidade nune'e bele fo benefisiu di'ak ba agrikultor sira iha Suku Uaimori.

"Iha analiza situasaun partisipativu Ita uza instrumentu lima ida Mak mapamentu rekursu suku ninian, kalender atividade agrikula, lao transitu hodi observa kondisaun rai tanba Ita hatene katak topografia la hanesan kualker topografi mai ho nia problema rasik no mai ho Nia oportunidade rasik ho nune'e Ita hare took oinsa Ita halo intervensaun parsela topografi iha suku Uaimori ne'e rasik"dehan Espesialista agrikultura TOMAK Jose Barros iha ambito sensibiliza informasaun iha Suku Uaimori,Sexta,(16/12/22).

Durante ne'e vida agrikultor nian produsaun menus aihan la to'o nutrisaun la di'ak bele impaktu ba mal nutrisaun se nune'e kresimentu labarik sira nia la'o ladun di'ak.

"Programa TOMAK iha fase tuir Mai Ita sei halo mak estabelese grupu rai no impresta osan hanesan fase inisiu ida de'it hafoin Ita bele hakat ba atividade Sira seluk atividade agrikultura, atividade nutrisaun, atividade agro negosiu, pakote lubuk ida mak sei hala'o prosesu hirak ne'e sei servisu hamutuk ho caritas Baucau"relata Barros.

Nia parte relata,halo analiza hotu Ita sei halo renkin ba problema hirak ne'e husi problema ne'ebe mak identifikadu husi to'os nain sira ida ne'ebe mak importante sei halo intervensaun lalais hodi labele fo impaktu ba to'os nain sira.

"Iha instrumentu ida tan mak halo analiza aihun problema atu buka hatene problema agrikula iha suku Uaimori ne'e no saida mak sai kauza husi abut husi problema ne'e rasik se problema ne'e husik de'it entaun impaktu saida ba ita nia komunidade sira iha suku Uaimori" haktuir Barros.

Entretantu TOMAK garante katak sei halo intervensaun ba kauza ou problema hirak hirak ne'e hanesan sei apoiu aimoruk hodi kontra pesti inklui sira seluk ne'ebe relevante ho to'os nain sira Nia presiza.

Iha sorin seluk xefe Aldeia Uma- bo'o Filomeno Vicente Soares agradese ba TOMAK tanba bele servisu hamutuk ho Komunidade sira hodi bele hasai produsaun agrikultor sira nia produtu.

"Hanesan autoridade lokal lori komunidade suku Uaimori agradese ba TOMAK tanba bele Mai hamutuk ho ami hodi halo indentifika kauza ou problema hirak ne'ebe to'os nain sira infrenta hodi nune'e bele halo intervensaun ruma atu fo produsaun ne'ebe di'ak ba agrikultor sira"sublina Xefe Aldeia.

Iha ambito sensibiliza informasaun ne'e hetan partisipasaun maximu husi komunidade Uaimori inklui autoridade lokal husi insiu to'o remata treinamentu la'o ho di'ak.

Sentru Informasaun Suku Uaimori (SISU).